Lead

May 22 05 7:20 AM

Tags : :

Ang manikang sumasanib

NAIC PARANORMAL STORY
Abril 10, 2005



PAUNAWA:

Ang susunod na sulatin ay batay sa mga nakalap na kwentong-bayan, "patotoo" mula sa mga nakaranas, at/o mga salaysay na bagaman walang matibay na sandigan, maiging lumaganap hindi lamang sa kabihasnan, kundi sa mga liblib na kanayunan ng Naic. Samantala, upang mapangalagaan sa kung anumang maaaring maganap, hindi ilalantad ang kanilang mga tunay na pangalan.

Sa gitnang bahagi ng Kalye Pelaez, isang berdeng bahay ang matatagpuan. Bagaman ilang dekada na rin itong natatayo, hindi naman ito napapabayaan, at regular pa ring ipinaaayos at pinapipinturahan. Dahilan ang mga orihinal na may-ari ay sa Amerika na naninirahan, ang nasabing bahay ay pinauupahan na lamang. At sa lahat ng nanirahan, sari-saring kwento ng kababalaghan at katatakutan ang sa kanila'y maririnig--mga kaluluwang tulung-tulong na nagbabangon sa tulog; kaluluwang nagbabantay sa sanggol; mga tumutugtog sa lumang piano; humihila ng silya at lamesa; atbp. Subalit isa sa mga makatawag pansin sa mga kababalaghan, sa lahat ng lumang gamit na naroon, ay ang antigong manika na 'di umano'y sumasanib... naghihiganti.

Tag-init, taong 2002, gabi noon at walang kuryente. Sa pagiging bukas ng mga noo'y nakatira sa bahay, maraming kabataan ang nagkakatipun-tipon, nagkwekwentuhan at nagkakatuwaan. Samantala, hindi naiwasang pag-usapan ang mga kwentong katatakutan gayong makailang bahay lamang ay may patay na nakaburol.

Isa sa mga nasa bahay noon ay si Kano. Kilala si Kano sa baranggay bilang isa sa mga astigin at tigasin. Bahagi ng katuwaan, kinuha ni Kano ang isang manikang maraming taon nang hindi nagagalaw. Hindi lalayo sa tatlong talampakan ang taas ng manika, na ayon sa mga nakakita'y tila may sarili nang buhay. Sa ibang perspektibo, masasabing ang manikang iyon, kasama ang iba pang manika sa bahay, ang silang matatagal nang naninirahan sa bahay.

Ginalaw at pinanakot pa ni Kano ang manika sa mga kasamahan. Sa 'di sinasadyang pangyayari, naputol ang kamay ng manika. Mabilis naman ang mga sumunod na pangyayari. Biglang-bigla, hindi na maigalaw ni Kano ang kanyang buong katawaan. Pilit man siyang kumilos o magsalita, wala siyang magawa. Nagtagaktakan ang pawis ni Kano. Nagulat na rin ang lahat sapagkat wala nang tigil ang pagpatak ng mga luha ni Kano. Pilit na pinakakalma ng mga kasamahan si Kano. Nang maisip na may kinalaman ang nangyari sa manika sa sinapit ni Kano, sinabi ng mga kasamang humingi ng tawad si Kano.

Nang sa isip ay makahingi na ng tawad si Kano, unti-unti na ring nawala ang kung anong pwersang bumalot sa kanya. Ayon kay Kano, hindi niya rin maipaliwanag ang nangyari sa kanya. Sinabi naman ng albularyong agad na natawag, ang espirito ng manika ang nagalit at pilit na pumapasok sa katawan ni Kano.


"Lots of people want to ride with you in the limo, but what you want is someone who will take the bus with you when the limo breaks down."
-- Oprah Winfrey on friendship

Quote    Reply   

#1 [url]

Sep 10 05 12:44 PM

CRIME & MYSTERY
Jojo Acuin


Best female athlete



ANG mga Pilipino ay sadyang mapaniwalain sa mga kuwento tungkol sa mga katatakutan partikular sa mga patay. Karamihan dito ay katatakutan at makapanindig balahibo. Mayroong kapani-paniwala, mayroon namang mahirap paniwalaan.

Kayo ang humusga kung totoo ang kuwentong padala ni Cheryl Cansanay ng Lipa, Batangas.

Si Cheryl ay isinilang at lumaki sa Lipa. Mayroon siyang kakambal, si Shirley. Pareho silang maganda at walang itulak kabigin sa kanila. Bawat isa ay may katangian na tiyak na magugustuhan ng sinumang lalaki.

Si Cheryl ay magaling mag-drawing. Napakahusay ng kanyang kamay sa paggawa ng mga paintings. Magaling din siyang sumayaw at kumanta. Samantala, si Shirley ay mahilig naman sa sports. Nage-excel siya sa mga larong pampalakasan sa eskuwelahan lalo na sa swimming. Marami siyang medalya at trophy na natanggap at ang mga iyon ay naka-display sa kanyang silid.

Third-year college na silang pareho nang dapuan si Shirley ng karamdaman. Na-detect ng doktor na mayroon siyang breast cancer at iyon ay Stage 2 na.

Binawalan na si Shirley na sumali sa mga competitions dahil mahina na ang kanyang katawan pero hindi iyon ininda ng dalaga. Ilang inter-university competition pa ang sinalihan niya at nanalo naman siya.

Noong nasa 4th year college na si Shirley ay lumubha ang kanyang kanser. Bagaman uma-absent siya sa eskuwelahan, hindi niya ipinaaalam na mayroon siyang kanser. Hanggang sa sumapit ang final competition sa swimming kung saan siya kalahok.

Ang mananalo sa competition na iyon ay lalahok sa Beijing, China. Mahinang-mahina si Shirley at alam ni Cheryl na hindi makasasali ang kapatid. Maging ang mga magulang nila ay malungkot dahil alam nila na iyon ang pinakaaasam-asam ni Shirley.

Ilang araw bago maganap ang kumpetisyon ay kinausap ni Sherly ang kakambal. Pinakiusapan nito na sumali sa contest at magkunwaring siya.

Hindi pumayag si Cheryl pero nang umiyak si Shirley ay tinanong niya ang mga magulang kung ano ang nararapat gawin. Hirap sa pagdedesisyon ang mga magulang kaya si Cheryl din ang tinanong kung kaya ba niyang sumali. Alam kasi nila na 'di hamak na mas mahusay si Shirley sa paglangoy kumpara sa kakambal.

Pero naglambing si Shirley sa kapatid at hiniling na sumali sa competition. Sinabi pa niya na ipagdasaral niya na manalo si Cheryl. Bagaman napipilitan lamang, pinagbigyan ni Cheryl ang kapatid lalo na nang sabihin nito na iyon ang kanyang huling kahilingan.

Noong araw ng laban, nagdaan si Cheryl sa ospital para magpaalam sa kapatid. Hiniling nito na ipagdasal siya ng kakambal para huwag lumabas na kahiya-hiya.

Bago magsimula ang competition ay nakaramdam ng kakaiba si Cheryl. Nanlamig ang buo niyang katawan at tila may kuryenteng pumasok sa kanyang mga paa. Pakiramdam ni Cheryl ay may espiritu na pumasok sa katauhan niya.

Nang oras na ng competition at kasalukuyang nakikipagbuno si Cheryl ay para siyang malaking isda na lumalangoy sa dagat. Napakabilis ng kanyang kilos at malayo ang agwat niya sa kalaban. Siya ang itinanghal na kampeon.

Pag-ahon sa tubig, nakita niya ang ama at kapatid na bunso na umiiyak. Buong akala ni Cheryl ay naiyak ang mga iyon sa tuwa. Hindi niya alam na habang nasa swimming pool siya ay yumao na si Shirley.

Nalaman lamang ni Cheryl na patay na ang kakambal nang sabitan siya ng medalya at ihayag na magtutungo siya sa China bilang kinatawan ng Pilipinas sa inter-university competition.

Hindi makapaniwala si Cheryl nang marinig ang balita. Ngatal ang katawan niya na yumakap sa ama. Sa morgue na niya inabutan ang kakambal at doon niya inialay ang medalya. Suot ni Shirley ang medalya nang iburol.

Habang nakaburol ang kapatid, napag-isip-isip ni Cheryl na pumasok sa katauhan niya ang kaluluwa ni Shirley kaya kakaiba ang pakiramdam niya bago magsimula ang competition.

Gabi-gabi, binubulungan ni Cheryl si Shirley na tulungan siya sa competition para maging over-all champion. Kahit nakahimlay na ang kakambal, tila nagkaintindihan ang dalawa. Alam ni Cheryl na hindi siya pababayaan ng kapatid. Makalipas ang libing, nagbago ang interes ni Cheryl. Pansamantala niyang kinalimutan ang pagpipinta at lagi siyang nag-eensayo ng swimming. Pati ibang exercise na paboritong gawin ng namatay na kakambal ay siya niyang ginagawa palagi.

Isang linggo bago ang competition, tumulak patungong China si Cheryl. Samantala, sumunod ang kanyang ama dalawang araw bago ang araw ng kumpetisyon.

Gabi-gabi, kinakausap ni Cheryl si Shirley. Hinihiling sa kapatid na tulungan siyang manalo. Bagaman hindi nakikita ang kakambal, nararamdaman ni Cheryl na binabantayan siya ng kapatid.

Pagsapit ng araw ng competition, muling nakaramdam ng kakaiba si Cheryl. Sa pagkakataong iyon, nasisiguro niya na ginagabayan siya ng kapatid.

Alam din niya na papasok sa katauhan niya ang kaluluwa ni Shirley para manalo sa swimming competition. At gayon nga ang nangyari. Nagwagi si Cheryl at siya ang tinanghal na champion. Pagbalik sa Pilipinas, pinarangalan siya sa unibersidad na pinapasukan.

Nang magtapos siya ng kolehiyo, binigyan siya ng award bilang Best Female Athlete. Bagaman siya ang tumanggap ng medalya, dinala ni Cheryl ang medalya sa puntod ng kapatid at inialay iyon sa kanya. Alam kasi ni Cheryl na iyon ay para sa kakambal niya na siyang tumulong sa kanya para manalo sa labanan.

Nakapangingilabot ang ikinuwento ni Cheryl pero naniniwala ako na siya ay nagsasabi ng totoo.

Maraming pangyayari ang nagaganap sa paligid na mahirap ipaliwanag pero totoong nangyayari. Isa na rito ang pagpasok ng kaluluwa ni Shirley sa katauhan ng kapatid. Nakatutuwang isipin na maski nasa kabilang buhay na ang dalaga ay ginagabayan pa rin ang kanyang kakambal.

"Lots of people want to ride with you in the limo, but what you want is someone who will take the bus with you when the limo breaks down."
-- Oprah Winfrey on friendship

Quote    Reply   
Add Reply

Quick Reply

bbcode help